Kjúklingur í tómat og karrý

Þetta er mjög bragðmikill og skemmtilegur kjúklingaréttur, ættaður frá Punjab héraði á Indlandi.

 

Fyrir 4

g         700   Beinlaus kjúklingur (t.d. bringur)

stk.     2       Laukur

stk.     4       Hvítlauksgeirar

stk.     1       Engiferrót (ca 2 cm biti)

stk.     2       Paprikur

stk.     2       Niðursoðnir tómatar í dós (í bitum)

dl        3       kjúklingasoð (eða 2 teningar leystir upp í heitu vatni)

tsk.     2       Currypaste gult (eða eftir smekk)

tsk.     2       Kóríander

 

Aðferð:

1.  Saxaðu laukinn, hvítlaukinn og engiferrótina.  Skerðu paprikuna í bita og settu þetta allt í skál.

2.  Skerðu kjúklinginn í bita og brúnaðu í vel heitri olíu á djúpri pönnu (helst wok).

3.  Þegar kjúklingurinn er orðinn gylltur, settu þá saxaða grænmetið út í ásamt kóríander og steiktu í smástund.

4.  Helltu tómötunum ásamt kjúklingasoðinu út í ásamt karrýinu.  Leyfðu þessu að malla í u.þ.b. 20 mín.

 

Gott er að bera þetta fram með hrísgrjónum og fersku salati til að vega upp á móti hitanum í karrýinu.